LIMPEZA NO FOGAR, TODO É COMEZAR

Ola, ola familias!  🙋👋

📣Antes de comezar con esta entrada cómpre que saibades que 5 millóns de nenos e nenas morren ao ano por falta de hixiene ambiental. Dá medo, non? 😖

A desinfección 💦 de superficies e materiais supón unha actuación básica para evitar a proliferación de xermes 🐛, que son os causantes da propagación de múltiples enfermidades. Tamén é importante garantir unha correcta iluminación, unha temperatura adecuada no espazo e unha ventilación periódica.  

Os lugares onde os nenos e nenas realizan a maioría das actividades 🏃 deben reunir as condicións mínimas de hixiene ambiental en canto a espazo, ubicación, infraestrutura, ventilación, limpeza e calidade do ambiente, de maneira que favorezan a seguridade e preveñan enfermidades.

Así que, limpade ben as vosas casas, evitando con isto problemas para os vosos pequenos e pequenas. 

Vémonos cedo con máis info sobre hixiene infantil! Ata loguiño!! 😉