CEPILLA OS DENTIÑOS 👄

 Ola, unha vez máis familia!!!👋🙋‍♂️

Nesta entrada falarémosvos sobre as caries, unha enfermidade que se produce cando o sarro se pega aos dentes. As bacterias que viven na boca fabrican ácidos e estes poden danar a capa superficial dos dentes🦷.

Nos máis pequenos denomínase caries do biberón. A acción da bacteria pode comezar coa saída dos primeiros dentes de leite no bebé lactante. Asociase á inxesta frecuente de azucres e relaciónase sobre todo co mal hábito de durmir co biberón🍼 na boca e é máis frecuente en nenos e nenas entre 5 meses e 6 anos.

Normalmente cando descubrides as caries estas atópanse nun estado moi avanzado, por iso vos imos proporcionar unhas medidas🧐 de prevención para que poidades evitar as caries nos vosos peques:

• Nunca deitar o peque con biberón ou alimentos.

• Darlle o biberón só durante as comidas.

• Controlar a calidade da auga💦 do fogar.

• Ensinarlle ó peque a beber dun vaso regular, entre os 12 e 15 meses.

• Non permitir que coman alimentos doces nin pegañentos, como caramelos ou doces🍰.

• Pedide cita co dentista antes de que o neno ou nena cumpla o ano de vida se ten algunha molestia.

Vémonos na seguinte entrada con máis info! Ata loguiño!😉

Fuente: odontopediatra